Без права на забыццё

Апошнім часам выяўляюцца ўсё новыя і новыя факты генацыду беларускага народа фашыстамі. І разам з гэтым усё больш упэўніваешся, што ў гэтых жудасных дзеях гітлераўцам няма роўных…

…«Адгучала «Чароўная флейта“ — падзьмуў „Цёплы вецер“, адгрымела „Майская навальніца“ — надышло „Свята ўраджаю“, прайшоў споры „Дождж на Сёмуху“ — закружыў „Веснавы карагод“, адбылося нарэшце „Асвячэнне храма“…»

Прыгожыя назвы?

Нават паэтычныя…

Толькі справы брыдкія.

Бо мы пералічылі сем (са ста сарака) карных аперацый, якія правялі акупанты ў Беларусі…

Хатынь…Дальва…Боркі…Ола…

Трасцянец…Азарычы…Чырвоны Бераг…Калдычэва…

Сёння па ўсёй краіне ў межах рэспубліканскай акцыі «Гэта павінен бачыць кожны беларус» стартаваў паказ кінадылогіі аб генацыдзе беларускага народа. У кінатэатры «Звязда» таксама прайшлі паказы кінастужак «Спаленыя вёскі» і «Лагеры смерці».

Перад пачаткам паказу мы прадэманстравалі гледачам кніжную выставу «Без права на забыццё».