Край беларускі – край самабытны
Традыцыі беларускага народа з’яўляюцца ўнікальнай і багатай спадчынай, якая працягвае жыць у сучасным грамадстве. Яны адлюстроўваюць душу і гісторыю нашага народа, а таксама аб’ядноўваюць людзей вакол агульных каштоўнасцяў і ідэалаў.
З мэтай паглыблення ведаў аб беларускіх традыцыях, выхаванні павагі да гістарычнага мінулага Беларусі сёння нашу бібліятэку наведалі вучні СШ №5, для якіх прайшоў гісторыка-культурны экскурс «Каб жыла культура продкаў». Разам з бібліятэкарам і настаўнікамі дзеці абмеркавалі асноўныя беларускія святы, традыцыі беларускага народа, яго звычаі, абрады і нацыянальную кухню. 
Увазе наведвальнікаў таксама была прадстаўлена выстава-экспазіцыя прадметаў побыту беларусаў
«Свет дому твайму: традыцыі і звычаі».
