Ведаць гісторыю, даражыць мінулым
2022 — Год гістарычнай памяці.
2022 год, згодна з Указам Прэзідэнта Рэспублікі Беларусь, аб’яўлены Годам гістарычнай памяці. У дакуменце адзначана, што Год гістарычнай памяці аб’яўляецца ў мэтах фарміравання аб’ектыўных адносін грамадства да гістарычнага мінулага, захавання і ўмацавання адзінства беларускага народа.
Гісторыя — гэта падмурак, без якога немагчыма пабудаваць будучыню. Для развіцця любога грамадства вельмі важна захаваць і перадаць нашчадкам свой перажыты вопыт і назапашаныя каштоўнасці, стаўленне да герояў, перамог і паражэнняў.
Мы прапануем вашай увазе кніжную выставу «Ведаць гісторыю, даражыць мінулым».
Адна частка літаратуры, прадстаўленай на выставе, дапаможа вам здзейсніць займальнае падарожжа ў мінулае, пазнаць імёны далёкіх нашых продкаў і акунуцца ў падзеі, якія прынеслі ім славу. У другой — жорсткая праўда Вялікай Айчыннай вайны, трагічныя падзеі тых вогненных гадоў.
На выставе адлюстравана гісторыя Беларусі ад старажытных часоў да нашых дзён, месца, роля, ўклад і дасягненні беларускага народа ў кантэксце сусветнай гісторыі.
Кнігі, прадстаўленыя на выставе, даступны ўсім жадаючым. Іх трэба ўбачыць, пазнаёміцца, прачытаць, каб ведаць, каб памятаць, каб задумацца аб тым, што мір — самае галоўнае і каштоўнае ў гэтым жыцці.
ЗАПРАШАЕМ У БІБЛІЯТЭКУ!