Ён ведаў, як зрабіць вясёлку

16 мая 2026 года спаўняецца 115 гадоў з дня нараджэння класіка беларускай дзіцячай літаратуры, паэта, публіцыста, перакладчыка і педагога, першага рэдактара дзіцячага часопіса «Вясёлка», летуценніка і сябра дзяцей Васіля Віткі.

Да гэтай юбілейнай даты супрацоўнікі бібліятэкі сямейнага чытання падрыхтавалі выставу-юбілей «Ён ведаў, як зрабіць вясёлку».

Нашы юныя чытачы адправіліся ў падарожжа па колерах вясёлкі з разнастайнымі казкамі і вершамі, пазнаёміля з багатай спадчынай Васіля Віткі.

Васіль Вітка найбольш вядомы як дзіцячы паэт. Яго вершы, казкі, загадкі, выходзячы з друку, адразу пераходзілі ў разрад хрэстаматыйных. Яны і зараз уключаюцца ў школьныя падручнікі. Вялікім творчым поспехам стала казка «Вавёрчына гара» (1948). Дзякуючы захапляльнасці, гумару, якія ўласцівыя гэтаму твору, казка стала адной з самых любімых у дзяцей. Шчаслівы лёс напаткаў і другую казку В. Віткі «Буслінае лета» (1958). У ёй ёсць і казачнае, і рэальнае, мова насычаная народнымі і створанымі самім аўтарам прыказкамі, крылатымі выразамі, афарызмамі.

Творчасць В. Віткі для дзяцей — свет чараўніцтва, прыгажосці, незвычайных прыгод, гармоніі гукаў і фарбаў.