Грані нашага адзінства
Сёння ў Навагрудскай бібліятэцы сямейнага чытання прайшоў патрыятычны ўрок “Грані нашага адзінства”, прымеркаваны да святкавання Дня народнага адзінства. Гэта адносна маладое свята, але сваімі каранямі сыходзіць глыбока ў мінулае. 
Падчас сустрэчы бібліятэкар пазнаёміла ўдзельнікаў з багатай гісторыяй краіны. Дзеці даведаліся аб тым, як узнікла свята, пачулі шмат цікавага пра гасціннасць і шчырасць жыхароў нашай Беларусі, пра неабходнасць быць адзінымі дзеля міру і згоды.
З дапамогай вершаў, малюнкаў і фантазій госці бібліятэкі складалі вобраз нашай краіны, а таксама атрымалі шмат карыснай інфармацыі, пазнаёміўшыся з матэрыяламі выставы «У адзінстве народа — вялікая сіла».
