Мова наша родная — багатая, народная!

21 ЛЮТАГА — ДЗЕНЬ РОДНАЙ МОВЫ

Сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Але ў кожнага чалавека ёсць толькі адна родная мова. І вельмі дрэнна, калі ён пачынае забывацца пра сваю мову, не шануе яе. Для нас, беларусаў, роднай мовай з’яўляецца — беларуская мова.

Сёння, у гэты ясны, сонечны дзень да нас у госці завіталі выхаванцы 1-й старэйшай групы Дзіцячага садка №6.

Дзеці прыйшлі на экскурсію ў бібліятэку, а яшчэ мы запрасілі іх прыняць ўдзел у лінгвістычным спрынце. Хлопчыкам і дзяўчынкам бібліятэкары прапанавалі шмат рознык конкурсаў, заданняў, рэбусаў і загадак. Вядома ж, усе заданні былі на беларускай мове. Нашы маленькія сябры на дзіва добра справіліся з усімі выпрабаваннямі. У рэшце рэшт, мы здагадаліся, што яны займаюцца ў беларускамоўнай групе.

Падчас нашай сустрэчы мы прапанавалі дзецям шмат цікавых кніжак на роднай мове, а яшчэ — пазнаёмілі з дзіцячым часопісам «Вясёлка», які таксама выдаецца на беларускай мове. Усім вельмі спадабалася наша мерапрыемства, напрыканцы якога хлопчыкі і дзяўчынкі атрымалі ў падарунак кніжныя закладкі і маленькія прысмакі.