Віншаванка для матулі
Заўтра мы будзем адзначаць адно з самых далікатных і кранальных сямейных святаў — Дзень маці. Напярэдадні гэтага пяшчотнага свята мы запрасілі нашых юных чытачак у творчую альтанку. Разам з дзяўчынкамі мы майстравалі паштоўкі-віншаванкі для любімых матуль. І, разам з тым, прынялі актыўны ўдзел у абласным чэленджы #МамеАрт🎨
Мама — самы родны і блізкі чалавек для кожнага з нас. І мы ўпэўнены, што віншаванка, зробленая стараннымі дзіцячымі ручкамі, а таксама шчырыя і сардэчныя пажаданні ад дзяцей зробяць для маці гэты дзень светлым, шчаслівым і памятным.
