У краіне займальных навук

Вельмі любяць нашу бібліятэку малодшыя школьнікі! І гэта не дзіўна. Бо бібліятэка — гэта не проста сховішча кніг, гэта цэлая краіна! Краіна займальных навук! Вось і ўчора, і сёння ў падарожжа па гэтай цудоўнай краіне адправіліся нашы юныя сябры — першакласнікі з СШ№4.

Упершыню дзеці сустрэліся з такой вялікай колькасцю энцыклапедый.📚📚📚🤩 Неверагодна-цікавым здавалася ўсё: павялічаныя ў сто разоў каларадскі жук і божая кароўка,🐞🐛 вусеніца-гарпія і царыца тэрмітаў; гранатавая пітта і жасткахвостая піпра; дыназаўры і акулы🦖🦈, дагістарычныя жывёлы і фантастычныя істоты…… невядомы дагэтуль свет…😮🤩😀

З захапленнем пазнаёміліся з серыямі дзіцячых энцыклапедый «Всё обо всём», «Школьная энцыклапедыя», «Лепшая дзіцячая энцыклапедыя». Навыперадкі паказвалі сябрам, бібліятэкару і настаўніцы, што цікавага яны толькі што даведаліся з той ці іншай кнігі.